MATIRHISELO MA XITSONGA NAMUNTLHA
Colfar Hlongwana
Manghenelo
Afrika-Dzonga ku na tindzimi to ringana khumen’we leti ti nga ta ximfumo, ku nga Xinghezi,
Xibunu, Xitsonga, Xiqhosa, Xindhevele, Xizulu, Xipedi, Xivhenda, Xitswana, Xiswati na Xisuthu. Exikarhi ka tindzimi leti, Xitsonga a xi si kuma nhluvukiso lowu xi faneleke. Leswi swi vonaka hi matirhiselo ma xona eka swa tidyondzo, eka thelevhixini na le ka mbulavulo wa masiku hinkwawo. Ku kombisa ku tsana ka Xitsonga eka swiyenge leswi longoloxiweke, laha hansi ku hlamuseriwa xiyenge xin’wana na xin’wana hi vuenti.